دنیا بھر میں ماحولیاتی آلودگی ایک سنگین چیلنج بن چکی ہے اور اس سے نمٹنے کے لیے سب سے مؤثر اور دیرپا حل شجرکاری ہے،ڈپٹی کمشنر
لیہ،14 اگست 2025(ڈسٹرکٹ رپورٹر)جشن یومِ آزادی کے سلسلے میں ماچھو فاریسٹ سب ڈویژن میں وسیع شجرکاری مہم کردیاگیا۔تفصیل کے مطابق یومِ آزادی کی تقریبات کو یادگار بنانے اور ماحولیاتی تحفظ کے فروغ کے لیے ماچھو فاریسٹ سب ڈویژن میں وسیع پیمانے پر شجرکاری مہم کا انعقاد کیا گیا۔ ڈپٹی کمشنر لیہ امیر ابیدار نے مہم کا آغاز پودا لگا کر کیا۔ اس موقع پر ایڈیشنل ڈپٹی کمشنر ریونیو محمد شاہد ملک، ایڈیشنل ڈپٹی کمشنر جنرل شبیر احمد ڈوگر، سابق صوبائی پارلیمانی سیکرٹری محمد طاہر رندھاوا، اسسٹنٹ کمشنر لیہ حارث حمید خان، پرنسپل ڈی پی ایس چوک اعظم محمد احمد، سی ای او ہیلتھ ڈاکٹر شاہد ریاض، ڈی ایف او فضل الرحمان شاہ، اسسٹنٹ ڈائریکٹر ماحولیات ارشد چغتائی، بشارت رندھاوا، میڈیا نمائندگان سمیت محکمہ جنگلات و دیگر اداروں کے افسران اور شہری موجود تھے۔تقریب میں شریک افسران ودیگر نے اپنے اپنے نام کے پودے لگا کر ماحولیاتی تحفظ میں حصہ ڈالا۔ اس موقع پر ڈپٹی کمشنر امیر ابیدار نے کہا کہ دنیا بھر میں ماحولیاتی آلودگی ایک سنگین چیلنج بن چکی ہے اور اس سے نمٹنے کے لیے سب سے مؤثر اور دیرپا حل شجرکاری ہے۔انہون نے کہاکہ درخت فضا کو صاف کرتے ہیں آکسیجن فراہم کرتے ہیں زمین کے درجہ حرارت میں کمی لاتے ہیں اور زمین کے کٹاو¿ کو روکتے ہیں۔ انہوں نے کہا کہ وزیراعلیٰ پنجاب مریم نواز شریف کی قیادت میں صوبے بھر میں ماحول دوست اقدامات جاری ہیںجن میں شجرکاری مہم کو خصوصی اہمیت دی جا رہی ہے اس لیے ضلع میں لاکھوں پودے لگانے کا ہدف مقرر کیا گیا ہے تاکہ آئندہ نسلوں کو صاف اور صحت مند ماحول فراہم کیا جا سکے۔ڈپٹی کمشنر نے کہاکہ ہرہربشر دوشجر لگا کر ان کی حفاظت بھی کریں۔ ڈپٹی کمشنرودیگرنے بعدازاں ڈی پی ایس چوک اعظم میں بھی شجرکاری مہم کے تحت پودے لگائے۔