ایڈیشنل ڈپٹی کمشنر ریونیو محمد شاہد ملک کی زیر صدارت اوورسیز پاکستانیز کمیٹی کا اجلاس منعقد ہوا۔ اجلاس میں ڈپٹی سپرنٹنڈنٹ پولیس محمد حیات، ڈپٹی ڈسٹرکٹ اٹارنی رانا محمد بلال، متعلقہ محکموں کے افسران اور درخواست گزار اوورسیز پاکستانی شریک ہوئے۔ اجلاس میں9 کیس پیش کیے گئے جس پر سماعت کی گئی جن میں 4 کیسز حل کردیے گئے جبکہ دیگر کو رپورٹ آنے تک موخر کیاگیا ۔ایڈیشنل ڈپٹی کمشنر ریونیو محمد شاہد ملک نے اجلاس سے خطاب کرتے ہوئے کہا کہ اوورسیز پاکستانی ملکی معیشت کی ریڑھ کی ہڈی ہیں ان کے مسائل کے حل کے لیے یہ فورم بنایاگیاہے۔ انہوں نے ہدایت کی کہ تمام افسران درخواست گزاروں کے مسائل کو فوری اور ترجیحی بنیادوں پر حل کریں تاکہ بیرون ملک بسنے والے پاکستانیوں کو ہر ممکن سہولت فراہم کی جا سکے۔
